En toe, eindelik, het die dokter eendag gesê dat sy genoeg herstel het om huis toe te gaan. Sy sou huis toe gaan om almal weer te sien - veral Jimmy.
Die motor het by die huis stilgehou, en net soos Moeder gedink het, het Jimmy haar met oop arms tegemoet gehardloop. Maar terwyl hy so aangehardloop kom, het sy eerste woorde haar hart met droefheid vervul. "Wat het Moeder vir my?", het hy gevra. "Het Moeder vir my iets gebring?"
"So is dit dan al wat hy oor dink,: het Moeder in haar eenigheid gesê. "Hy dink glad nie oor my nie, maar altyd net aan 'n pakkie!".
Toe het sy sommer verby hom gestap die huis in. "Maar ek wil Moeder liefhê," het Jimmy uitgeroep, want hy het gemerk dat daar iets verkeerd was. "Gaan haal 'n stuk vaalpapier, bind dit met 'n tou vas, en bestee jou liefde daaraan," het Moeder kil gesê. En sy het Jimmy daar verbyster laat staan.
Dit was vir hom baie swaar, maar hy het verstaan. Toe dit slapenstyd was, het hy na sy Moeder gegaan waar sy daar sit, en hy het gefluister, "EK het Moeder baie liewer as papierpakkies. Ek is bly dat Moeder weer gesond is."
Toe het Moeder hom in haar arms geneem, want nou het sy die liefde gesien waarna sy so verlang het.