Die Begrafnisbrief

Jou oë was smaraggroen

Jou hare altyd blink en skoon

Jou vel koperbruin

en jou lag klokhelder,

Ek was so gelukkig

elke dag 'n seën,

veilig in my man se arms,

die huis was huis as jy tuis was.

Twee en 'n half jaar terug

het jy siek geword,

dit was terminaal.

Ek het so hard probeer

veg vir jou,

maar jy het net oorgegee.

Maak nie saak hoe hard

ek probeer het om lewe

in jou te blaas nie,

binne in jou, het jy net

stukkie vir stukkie gesterf.

Vroeg in Julie blaas jy jou laaste asem uit.

Dis pynloos vir jou,

en my hart is stukkend!!!

PS (Jammer ek het jou lewend verloor, jy is net vir my dood!)